LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ ایران کا آبنائے ہرمز کے قریب امریکی ڈرون قبضے میں لینے کا دعویٰ باب المندب سے فورسز کا انخلا، سعودیہ نے اتحادی فوج کا کمانڈر بدل دیا طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس بلاول کو وزیراعظم بنتا دیکھ رہی ہوں، فریال تالپور امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات جنسی جرائم میں قید امریکی فنانسر جیفری ایپسٹین کی پراسرار موت بارے نئے سنسنی خیز انکشافات

ٹرمپ انتظامیہ کی غیر ملکی کارکنوں کو گرین کارڈ دینے کے پروگرام میں مزید پابندیوں کی تجویز

Web Desk

17 November 2026

امریکی صدر ڈونلڈ ٹرمپ کی انتظامیہ نے ہنرمند غیر ملکی کارکنوں کو گرین کارڈ دینے کے پروگرام پر مزید سخت پابندیاں عائد کرنے کی باضابطہ تجویز پیش کر دی ہے، جس کا بنیادی مقصد قانونی امیگریشن کے راستے محدود کرنا اور مقامی امریکی شہریوں کے روزگار کا تحفظ یقینی بنانا ہے۔

تفصیلات کے مطابق امریکی محکمہ محنت (ڈیپارٹمنٹ آف لیبر) نے لیبر سرٹیفکیشن پروگرام میں اہم تبدیلیوں کی تجویز دی ہے، جس کے تحت امریکی کمپنیوں کو کسی بھی غیر ملکی ملازم کو بھرتی کرنے یا گرین کارڈ کے لیے اسپانسر کرنے سے قبل یہ ثابت کرنے کے لیے مزید کڑی شرائط پوری کرنا ہوں گی کہ مطلوبہ عہدوں کے لیے ملک میں اہل امریکی کارکن دستیاب نہیں ہیں۔

نئی مجوزہ پالیسی کے تحت ماضی میں حاصل خصوصی رعایات کو ختم کرتے ہوئے پیشہ ور نرسوں اور غیر معمولی صلاحیتوں کے حامل سائنس دانوں جیسے انتہائی اہم شعبوں کو بھی ان سخت شرائط سے مستثنیٰ نہیں رکھا جائے گا۔

اس کے علاوہ مجوزہ قواعد میں یہ شرط بھی شامل کی گئی ہے کہ امریکی کمپنیوں کو مقامی ملازمین کی برطرفی (لے آف) کے دو سال کے اندر اسی نوعیت کی ملازمتوں کے لیے غیر ملکی کارکنوں کی بھرتی کی اجازت ہرگز نہیں ہوگی۔ ساتھ ہی کمپنیوں کے لیے مقامی سطح پر بھرتی کے جدید اور وسیع تر اشتہاری طریقے اپنانا بھی لازمی قرار دیا گیا ہے۔ حکام کے مطابق یہ مجوزہ تبدیلیاں 60 روزہ عوامی مشاورت کا مرحلہ مکمل ہونے کے بعد باقاعدہ طور پر نافذ العمل ہو سکیں گی۔