تھائی لینڈ میں پاکستان کے 61ویں یوم دفاع و شہداء کی پروقار تقریب

بنکاک: تھائی لینڈ میں واقع پاکستانی سفارتخانے کے زیرِ اہتمام پاکستان کے 61 ویں یومِ دفاع و شہدا کی مناسبت سے ایک پروقار اور پرجوش تقریب کا انعقاد کیا گیا، جس میں ملکی سلامتی اور دفاع کے لیے جانوں کا نذرانہ پیش کرنے والے شہدا کو شاندار الفاظ میں خراجِ تحسین پیش کیا گیا۔

اس سفارتی تقریب میں تھائی لینڈ کے اعلیٰ حکام، متعدد ممالک کے سفارتکاروں، دفاعی اتاشیوں، بین الاقوامی صحافیوں، معروف کاروباری شخصیات اور تھائی لینڈ میں مقیم پاکستانی کمیونٹی کے اراکین نے بڑی تعداد میں شرکت کی۔

 تقریب کے دوران پاکستان کی مسلح افواج کی شجاعت، دلیری اور وطن کے دفاع کے لیے باہمت شہدا اور عظیم غازیوں کی بے مثال قربانیوں اور غیر متزلزل عزم کو سراہا گیا۔یومِ دفاع و شہدا کے تاریخی پس منظر، 1965ء کی جنگ کی یادوں اور مسلح افواج کی پیشہ ورانہ صلاحیتوں پر مبنی ایک بالخصوص تیار کردہ دستاویزی فلم بھی پیش کی گئی۔ تقریب میں پاکستانی روایتی کھانوں کے ذریعے ملکی ثقافت کو نمایا گیا، جس نے شرکا اور غیر ملکی مہمانوں کی توجہ حاصل کی۔ سفارتخانے کے حکام اور شرکا نے اس موقع کو پاکستان کی پائیدار ترقی، استحکام اور ملکی دفاع کے لیے قوم کے یکجہتی پر مبنی عزم کی تجدید کے طور پر منایا۔