ہنگو پولیس چیک پوسٹ پر دہشتگردوں کا حملہ، تین اہلکار شہید

ہنگو میں قاضی تالاب پولیس چیک پوسٹ پر دہشتگردوں نے حملہ کردیا جس کے نتیجے میں تین پولیس اہلکار جامِ شہادت نوش کرگئے۔ ڈی پی او خان زیب کے مطابق اہلکاروں نے جواں مردی سے دہشتگردوں کا مقابلہ کیا اور بہادری کا مظاہرہ کرتے ہوئے اپنی جانوں کا نذرانہ پیش کیا۔

وزیراعلیٰ خیبرپختونخوا سہیل آفریدی نے واقعے کی شدید مذمت کرتے ہوئے کہا کہ دہشتگردوں کا کوئی مذہب نہیں ہوتا، ان کی بزدلانہ کارروائیاں قوم کے حوصلے پست نہیں کرسکتیں۔ انہوں نے واضح کیا کہ امن دشمنوں کو ہر صورت قانون کے کٹہرے میں لایا جائے گا اور ایسے عناصر کے خلاف کارروائی مزید سخت کی جائے گی