شادی کی تقریب میں مضر صحت کھانا کھانے سے 400 افراد کی حالت غیر ہوگئی

ٹنڈو الہ یار میں ایک شادی کی تقریب میں مضرِ صحت کھانا کھانے سے دولہا اور دلہن سمیت 400 کے قریب افراد کی حالت غیر ہو گئی اور متعدد بے ہوش ہو گئے۔ واقعے کے بعد مقامی سول اسپتال اور دیگر طبی مراکز میں مریضوں کی اتنی بڑی تعداد پہنچنے پر ہنگامی بنیادوں پر ایمرجنسی نافذ کر دی گئی، جبکہ طبی ٹیموں نے فوری کارروائی کرتے ہوئے بیشتر متاثرین کو ابتدائی طبی امداد کے بعد ڈسچارج کر دیا۔ حکام کے مطابق واقعے کی تحقیقات کا آغاز کر دیا گیا ہے اور کھانے کے نمونے لیبارٹری ٹیسٹ کے لیے بھیج دیے گئے ہیں۔

وزیراعلیٰ سندھ سید مراد علی شاہ نے ٹنڈو الہ یار میں پیش آنے والے اس افسوسناک واقعے کا سخت نوٹس لیتے ہوئے آئی جی پولیس اور کمشنر حیدرآباد سے فوری رپورٹ طلب کر لی ہے۔ وزیراعلیٰ نے ہدایت کی ہے کہ متاثرہ افراد کو بہترین اور مفت طبی سہولیات فراہم کی جائیں اور علاج معالجے میں کسی بھی قسم کی غفلت برداشت نہیں کی جائے گی۔