امریکا میں ملک گیر فضائی تعطل: ڈونلڈ ٹرمپ کو لمحہ بہ لمحہ بریفنگ جاری

وائٹ ہاؤس کے ایک سینئر عہدیدار کے مطابق امریکی صدر ڈونلڈ ٹرمپ امریکا بھر میں نافذ ملک گیر فضائی تعطل (گراؤنڈ اسٹاپ) کی صورتحال پر مسلسل بریفنگ اور لمحہ بہ لمحہ اپ ڈیٹس حاصل کر رہے ہیں۔ دوسری جانب امریکی نشریاتی ادارے فاکس نیوز سے گفتگو کرتے ہوئے ڈونلڈ ٹرمپ نے بھی انتظامیہ کے دیگر حکام کے مؤقف کی تائید کرتے ہوئے واضح کیا کہ فضائی نظام کو مفلوج کرنے والی مواصلاتی خرابی کسی سائبر حملے کا نتیجہ نہیں ہے، بلکہ انہوں نے بھی اس بڑے بحران کی ذمہ داری ملک کے پرانے اور بوسیدہ ایوی ایشن و مواصلاتی نظام پر عائد کی ہے۔