ٹی 20 ورلڈکپ سری لنکا: پاکستان نے افتتاحی میچ میں نیدرلینڈز کے خلاف فیلڈنگ کا فیصلہ

کولمبو، سری لنکا: ٹی 20 ورلڈکپ 2026 کا میلہ سری لنکا میں سج گیا، جہاں پاکستان نے افتتاحی میچ میں نیدرلینڈز کے خلاف ٹاس جیت کر پہلے فیلڈنگ کا فیصلہ کیا۔ اس فیصلے کے مطابق نیدرلینڈز کی ٹیم پہلے بیٹنگ کر رہی ہے۔

پاکستانی کپتان سلمان علی آغا نے کہا کہ پچ پر گھاس ہے، تین فاسٹ بولرز کھلا رہے ہیں اور کوشش ہے کہ ٹیم اچھی کارکردگی کا مظاہرہ کرے۔ نیدرلینڈز کے کپتان و وکٹ کیپر نے کہا کہ آج کا میچ ہمارے لیے اہم ہے اور ہم اسے جیتنے کی کوشش کریں گے۔

پاکستان کی پلیئنگ الیون میں صاحبزادہ فرحان، صائم ایوب، سلمان علی آغا، بابر اعظم اور عثمان خان شامل ہیں، جبکہ شاداب خان، محمد نواز، فہیم اشرف، شاہین آفریدی، سلمان مرزا اور ابرار احمد بھی ٹیم کا حصہ ہیں۔

نیدرلینڈز کی ٹیم میں مائیکل لیوٹ، میکس او ڈاؤڈ، باس ڈی لیڈے، کولن ایکرمین، اسکاٹ ایڈورڈز، زیک لیون کیشے، لوگان وین بیک، رولوف وین ڈر مروے، آریان دت، کائل کلین اور پال وین میکرین شامل ہیں۔

ٹی ٹوئنٹی ورلڈکپ میں شریک 20 ٹیموں کو چار گروپوں میں تقسیم کیا گیا ہے۔ آج کے دیگر میچوں میں ویسٹ انڈیز بمقابلہ اسکاٹ لینڈ جبکہ بھارت بمقابلہ امریکہ کھیلیں گے۔