آبنائے ہرمز میں بحری آمدورفت مئی کے بعد کم ترین سطح پر آگئی

عالمی خبر رساں ادارے رائٹرز کی اینالیٹکس فرم کیپلر (Kpler) کے شپنگ ڈیٹا کے حوالہ سے جاری کردہ رپورٹ کے مطابق، آبنائے ہرمز میں تجارتی و ایندھن بردار بحری جہازوں کی آمدورفت رواں سال مئی کے بعد اپنے کم ترین سطح پر آ گئی ہے۔ رپورٹ کے مطابق گزشتہ 10 دنوں کے دوران اس اہم ترین سمندری شاہراہ سے روزانہ اوسطاً صرف 10 تجارتی بحری جہاز گزر رہے ہیں، جبکہ حالیہ ہفتے کے روز (سنیچر) صرف 2 اور اتوار کو محض 6 بحری جہازوں نے آبنائے ہرمز کو عبور کیا۔

شپنگ اعداد و شمار میں بتایا گیا ہے کہ سیکیورٹی خدشات اور خطرے کے باعث زیادہ تر بحری جہازوں نے امریکی و مغربی کوریڈور کے بجائے ایران کے مقرر کردہ بحری راستے کا استعمال کرتے ہوئے اپنی سفر مکمل کیا۔ خطے میں امریکہ اور ایران کے مابین آئل ٹینکرز پر حالیہ جواباً حملوں کے بعد بحری ٹریفک کی نقل و حرکت میں نمایاں کمی ریکارڈ کی گئی ہے، جس کے باعث عالمی انرجی مارکیٹ اور تجارتی حلقوں میں شدید تشویش پائی جا رہی ہے