ایران کے ساتھ مسائل سفارتی طریقے سے حل کیے جاسکتے ہیں، امریکی مندوب

امریکی صدر ڈونلڈ ٹرمپ کے خصوصی مندوب اسٹیو وٹکوف نے امید ظاہر کی ہے کہ ایران کے ساتھ مسائل کو سفارتی طریقے سے حل کیا جا سکتا ہے۔اسرائیلی امریکی کونسل میں خطاب کے دوران جب ان سے ایران کے خلاف فوجی کارروائی کے امکان کا سوال کیا گیا تو انہوں نے امید ظاہرکی کہ ہم سفارتکاری کے ذریعے کسی نتیجے پر پہنچ سکیں گے۔۔انہوں نے کہا کہ ایران کے ساتھ جوہری، افزودگی، میزائل اور پراکسی فورسز پر مشتمل چار غیر حل شدہ مسائل ہیں۔ڈونلڈ ٹرمپ کے خصوصی مندوب نے واضح کیا کہ وہ چاہتے ہیں یہ مسائل سفارتکاری کے ذریعے حل ہوں کیونکہ متبادل نتیجہ ایران کے لیے بہت برا ثابت ہو سکتا ہے