LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

سپیس ایکس کی تاریخ ساز کامیابی، سٹار شپ کی زمین پر کامیاب واپسی

Web Desk

16 November 2026

دنیا کے امیر ترین شخص ایلون مسک کی خلائی کمپنی ’اسپیس ایکس‘ نے خلائی تحقیق کی تاریخ میں ایک اور سنگِ میل عبور کرتے ہوئے اپنے دیوہیکل راکٹ ’اسٹار شپ‘ کی خلا سے زمین پر واپسی کا پہلا کامیاب تجربہ مکمل کر لیا ہے۔

غیر ملکی میڈیا رپورٹس کے مطابق اسٹار شپ نے 22 گھنٹے سے زائد وقت خلا میں گزارنے اور زمین کے گرد 14 چکر مکمل کرنے کے بعد امریکی ریاست ٹیکساس میں واقع اپنے لانچنگ ٹاور پر بحفاظت واپس لینڈنگ کی۔ یہ اسٹار شپ کا مجموعی طور پر 15واں آزمائشی تجربہ تھا، جس میں پہلی مرتبہ راکٹ کے دونوں حصوں کو مکمل طور پر محفوظ حالت میں بحال کرنے کا کامیاب مظاہرہ کیا گیا۔ اسپیس ایکس کا بنیادی ہدف اسٹار شپ کے اوپری اور نچلے دونوں حصوں کو مکمل طور پر دوبارہ قابلِ استعمال بنانا ہے تاکہ خلائی سفر کے اخراجات میں نمایاں کمی لائی جا سکے۔

واضح رہے کہ 120 میٹر لمبا اور تقریباً 50 لاکھ کلوگرام وزنی اسٹار شپ دنیا کا طاقتور ترین راکٹ قرار دیا جاتا ہے، جو دو مرکزی حصوں پر مشتمل ہے۔ اس کے پہلے حصے میں ’سپر ہیوی بوسٹر‘ شامل ہے جس میں 33 طاقتور انجن نصب ہیں، جبکہ دوسرا حصہ خود ’اسٹار شپ اسپیس کرافٹ‘ ہے جو بوسٹر سے الگ ہو کر خلائی مدار میں سفر کرتا ہے۔ ٹیکساس میں اسٹار شپ کی خلا سے واپسی اور لینڈنگ کا یہ تاریخی منظر دیکھنے کے لیے شائقین اور ماہرین کی بڑی تعداد جمع ہوئی۔

امریکی خلائی ادارے ’ناسا‘ نے بھی اسپیس ایکس کی اس غیر معمولی کامیابی کا بھرپور خیرمقدم کیا ہے۔ ناسا اس دہائی کے آخر میں اپنے ’آرٹیمس‘ (Artemis) مشن کے تحت کئی دہائیوں بعد انسانوں کو دوبارہ چاند کی سطح پر اتارنے اور وہاں مستقل قمری اڈہ قائم کرنے کے منصوبے میں اسٹار شپ کی خدمات حاصل کرنے کے لیے اسپیس ایکس کو اربوں ڈالر ادا کر رہا ہے، اور آرٹیمس 3 مشن میں خلابازوں کو چاند پر اتارنے کے لیے یہی خلائی جہاز استعمال کیا جائے گا۔ مزید برآں، ایلون مسک مستقبل میں مریخ پر انسانی شہر بسانے کے اپنے طویل المدتی منصوبے کے تحت اسٹار شپ راکٹس کا ایک بڑا بیڑا تیار کرنے کا ارادہ رکھتے ہیں۔