صومالیہ کا بحری قزاقی کے خلاف عالمی کارروائی کا مطالبہ

موغادیشو: صومالیہ نے بحری قزاقی (Maritime Piracy) کی روک تھام کے لیے بین الاقوامی سطح پر فوری اور مؤثر کارروائی کا مطالبہ کرتے ہوئے اس اہم مسئلے کو اقوامِ متحدہ کی سلامتی کونسل میں باقاعدہ اٹھانے کا اعلان کیا ہے۔

صومالی وزارتِ خارجہ کے مطابق اقوامِ متحدہ کی سلامتی کونسل میں ‘جبوتی کوڈ آف کنڈکٹ’ (Djibouti Code of Conduct) کے تحت سمندری جرائم کے خلاف بین الاقوامی تعاون کو مضبوط بنانے اور مشترکہ اقدامات پر زور دیا جائے گا۔ ترجمان نے واضح کیا کہ صومالی سیکورٹی فورسز خشکی اور سمندر دونوں جگہوں پر قزاقوں اور مسلح نیٹ ورکس کے خلاف متحرک کارروائیاں کر رہی ہیں، تاہم اپریل کے بعد سے بین الاقوامی تجارتی بحری جہازوں پر حملوں اور ان پر قبضے کے واقعات میں تشویشناک اضافہ دیکھا گیا ہے۔

وزارتِ خارجہ نے عزم ظاہر کیا کہ صومالیہ اپنی کیلیبر اور سمندری حدود کو کسی بھی صورت بحری جرائم اور قزاقی کا مرکز نہیں بننے دے گا۔ دوسری جانب ‘انٹرنیشنل میری ٹائم آرگنائزیشن’ (IMO) کی رپورٹ کے مطابق رواں برس 24 اگست تک بحری قزاقوں نے 6 مختلف تجارتی جہازوں پر حملے کر کے 90 سے زائد بحری عملے کے ارکان (کرُو) کو یرغمال بنا رکھا تھا، جس کے باعث عالمی سمندری تجارت کے تحفظ پر سوالات اٹھے ہیں۔