بیجنگ کی سب سے بلند عمارت سے چھوٹا طیارہ ٹکرا گیا

چین کے دارالحکومت بیجنگ میں ایک ہولناک واقعہ پیش آیا ہے جہاں شہر کی سب سے بلند ترین عمارت (ٹاور) سے ایک چھوٹا طیارہ ٹکرا گیا، جس کے بعد علاقے میں شدید خوف و ہراس پھیل گیا۔ چھوٹے طیارے کے عمارت سے ٹکرانے کے بعد طیارے کا ملبہ اور شیشے کے ٹکڑے زمین پر آ گرے۔ خوش قسمتی سے اب تک واقعے میں کسی بھی ہلاکت کی تصدیق نہیں ہوئی ہے۔ رپورٹ میں بتایا گیا ہے کہ فی الحال یہ واضح نہیں ہو سکا کہ حادثے کا شکار ہونے والے اس چھوٹے طیارے میں کتنے افراد سوار تھے۔ واقعے کی اطلاع ملتے ہی بیجنگ پولیس اور امدادی ٹیموں نے فوری کارروائی کرتے ہوئے متاثرہ علاقے کو چاروں طرف سے گھیرے میں لے لیا، جبکہ احتیاطی تدابیر کے طور پر عمارت کے اندر موجود لوگوں کو بحفاظت باہر نکالا جا رہا ہے۔ بین الاقوامی خبر رساں ایجنسی کے مطابق، جس عمارت سے طیارہ ٹکرایا وہ بیجنگ شہر کا سب سے بلند ٹاور ہے جو 108 منزلوں پر مشتمل ہے اور بیجنگ کے مرکزی کاروباری مرکز (CBD) کی ایک معروف ترین پہچان ہے۔ حکام نے واقعے کی تحقیقات کا آغاز کر دیا ہے تاکہ طیارے کے ٹکرانے کی اصل وجوہات کا پتہ لگایا جا سکے