وزیراعلیٰ مراد علی شاہ کا سندھ میں پبلک ٹرانسپورٹ کے کرائے برقرار رکھنے کا فیصلہ
Web Desk
5 April 2026
کراچی: وزیراعلیٰ سندھ سید مراد علی شاہ نے کہا ہے کہ مشکل معاشی صورتحال میں غریب عوام کو ریلیف فراہم کرنا حکومت کی اولین ترجیح ہے، اسی لیے صوبے بھر میں پبلک ٹرانسپورٹ کے کرایوں میں اضافہ نہیں ہونے دیا جائے گا۔
پریس کانفرنس سے خطاب کرتے ہوئے انہوں نے اعلان کیا کہ منی بس، بس، کوسٹر اور چھوٹے شہروں میں چلنے والی سوزوکی سمیت تمام روٹ پرمٹ والی گاڑیوں کے کرائے 28 فروری کی سطح پر برقرار رکھے جائیں گے، جبکہ انٹر سٹی بسوں کے مہنگے ڈیزل کا خرچ حکومت سندھ برداشت کرے گی۔
وزیراعلیٰ نے کہا کہ صوبائی حکومت ہر بس کو ایک لاکھ روپے سبسڈی فراہم کرے گی، جبکہ ایندھن کی قیمتوں میں مزید اضافے کی صورت میں ٹرانسپورٹرز سے تعاون جاری رکھا جائے گا تاکہ عوام پر بوجھ نہ پڑے۔
انہوں نے بتایا کہ اس وقت صوبے میں گیارہ ہزار سے زائد بسیں چل رہی ہیں اور حکومت ٹرانسپورٹرز کے ذریعے عوام کو براہ راست فائدہ پہنچا رہی ہے۔ اس موقع پر انہوں نے اس امر پر اطمینان کا اظہار کیا کہ ٹرانسپورٹرز بھی عوامی مفاد میں حکومت کے ساتھ تعاون کر رہے ہیں۔
بلاول بھٹو زرداری کی ہدایات کا حوالہ دیتے ہوئے وزیراعلیٰ نے کہا کہ کسی صورت کرایوں میں اضافہ نہیں ہونے دیا جائے گا اور اس فیصلے پر سختی سے عمل درآمد کرایا جائے گا۔
مزید برآں انہوں نے کہا کہ اسکول وینز کے کرایوں میں اضافے کو روکنے کے لیے محکمہ تعلیم کو بھی ہدایات جاری کر دی گئی ہیں۔
متعلقہ عنوانات
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026
قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق
19 November 2026
شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال
19 November 2026
پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق
19 November 2026
پنجاب میں مریضوں کو 39 ارب 50 کروڑ روپے سے زائد کا مفت علاج فراہم
19 November 2026