LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن سٹاک مارکیٹ میں تیزی، کاروبار کا مثبت رجحان رہا بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر

کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

Web Desk

19 November 2026

سندھ کے سینئر صوبائی وزیر شرجیل انعام میمن نے کہا ہے کہ صوبائی کابینہ نے کراچی کے شہریوں کے لیے مزید 500 بسوں کی خریداری کی منظوری دے دی ہے، جبکہ سندھ حکومت نے 29 نومبر کو کسی بھی سیاسی جماعت کو ریلی نکالنے کی اجازت نہ دینے کا فیصلہ کیا ہے۔

وزیراعلیٰ سندھ سید مراد علی شاہ کی زیرِ صدارت صوبائی کابینہ کا اجلاس منعقد ہوا، جس میں عوامی فلاح، ٹرانسپورٹ، زراعت اور سیکیورٹی سے متعلق متعدد اہم فیصلوں کی منظوری دی گئی۔ اجلاس کے بعد نیوز بریفنگ دیتے ہوئے شرجیل انعام میمن نے بتایا کہ آئندہ ایک سال کے دوران کراچی میں ایک ہزار سے زائد نئی بسیں لائی جائیں گی، جبکہ آئندہ ماہ دسمبر میں ڈبل ڈیکر اور الیکٹرک بسیں بھی شہر میں پہنچ جائیں گی۔

سینئر صوبائی وزیر نے بتایا کہ کابینہ اجلاس میں جیمز اینڈ جیولری کے شعبے کو باقاعدہ صنعت کا درجہ دینے کا فیصلہ کیا گیا ہے، جبکہ زراعت کے فروغ اور کسانوں کی معاونت کے لیے گندم کے کاشتکاروں کو 16 ارب 90 کروڑ روپے کی امداد فراہم کی جائے گی۔

شرجیل انعام میمن نے مزید آگاہ کیا کہ صوبے میں امن و امان کی صورتحال بہتر بنانے کے لیے سندھ سیف سٹی منصوبے کے دوسرے فیز کے لیے 5 ارب 76 کروڑ روپے جاری کرنے کی منظوری دی گئی ہے، جبکہ صحت کے شعبے میں سندھ انسٹیٹیوٹ آف یورولوجی اینڈ ٹرانسپلانٹیشن (ایس آئی یو ٹی / SIUT) کے آنکولوجی ڈیپارٹمنٹ کے لیے ڈیڑھ ارب روپے جاری کیے جائیں گے۔

علاوہ ازیں، صوبائی کابینہ نے محکمہ جنگلی حیات میں وائلڈ لائف گارڈز کی خالی آسامیوں پر بھرتی کرنے اور طلبہ کے لیے مختلف شعبوں میں تعلیمی سکالرشپس بڑھانے کی بھی باضابطہ منظوری دے دی ہے۔