سندھ میں ڈینگی کے مزید 232 کیسز، کراچی بدستور سب سے متاثر

کراچی: شہرِ قائد سمیت سندھ بھر میں گزشتہ 24 گھنٹوں کے دوران ڈینگی کے مزید 232 کیسز رپورٹ ہوئے، جن میں سب سے زیادہ 127 مریض کراچی سے سامنے آئے۔

محکمہ صحت سندھ کے مطابق صوبے میں ڈینگی کیسز میں مسلسل اضافہ دیکھا جا رہا ہے۔ گزشتہ روز سرکاری اسپتالوں میں 34 جبکہ نجی اسپتالوں میں 17 نئے مریض داخل ہوئے، جس کے بعد صوبے بھر میں زیرِعلاج مریضوں کی تعداد 44 ہو گئی ہے۔

حکام کے مطابق کراچی ڈویژن کے سرکاری اسپتالوں میں 17 اور حیدرآباد کے سرکاری اسپتالوں میں 9 مریض داخل کیے گئے۔ گزشتہ 24 گھنٹوں میں سرکاری اسپتالوں سے 38 اور نجی اسپتالوں سے 34 مریض صحت یاب بھی ہوئے۔

ڈی جی ہیلتھ سندھ نے تصدیق کی کہ گزشتہ روز صوبے بھر میں ڈینگی سے کوئی ہلاکت رپورٹ نہیں ہوئی۔ ان کا کہنا تھا کہ 24 گھنٹوں میں 2432 افراد کے ڈینگی ٹیسٹ کیے گئے جن میں سے 232 مثبت آئے، سب سے زیادہ کیسز کراچی میں 123 اور حیدرآباد میں 109 رپورٹ ہوئے۔