سندھ میں ذخیرہ اندوزوں کے خلاف کریک ڈاؤن، 15 لاکھ گندم کی بوریاں ضبط
Web Desk
13 July 2026
سندھ میں گندم کے ذخیرہ اندوزوں کے خلاف بڑے پیمانے پر کی جانے والی کارروائیوں کے دوران 15 لاکھ سے زائد گندم کی بوریاں تحویل میں لے لی گئی ہیں۔ چیف سیکرٹری سندھ آصف حیدر شاہ کی زیرِ صدارت صوبے میں گندم کے ذخائر اور آٹے کی قیمتوں پر قابو پانے سے متعلق ایک اہم اجلاس منعقد ہوا، جس میں صوبے بھر میں جاری کریک ڈاؤن پر تفصیلی بریفنگ دی گئی۔ اجلاس کو بتایا گیا کہ قانون نافذ کرنے والے اداروں اور ضلعی انتظامیہ نے مشترکہ کارروائیوں کے دوران مجموعی طور پر 15 لاکھ 44 ہزار 194 گندم کی بوریاں تحویل میں لی ہیں، جن کا کل وزن ایک لاکھ 54419 میٹرک ٹن سے زائد بنتا ہے۔
حکام کی جانب سے دی گئی بریفنگ کے مطابق، سب سے زیادہ گندم کشمور میں ضبط کی گئی جہاں 5 لاکھ 12 ہزار 740 بوریاں برآمد ہوئیں۔ اسی طرح گھوٹکی میں 3 لاکھ 77 ہزار 108، لاڑکانہ میں ایک لاکھ 74 ہزار 155، سکھر میں ایک لاکھ 59 ہزار 626، قمبر شہدادکوٹ میں 88 ہزار 985 اور خیرپور میں 67 ہزار 25 بوریاں تحویل میں لی گئیں۔ اس کے علاوہ کراچی غربی سے 40 ہزار، نوشہروفیروز سے 25 ہزار 837 اور دادو سے 19 ہزار 450 گندم کی بوریاں ضبط کی گئی ہیں۔ چیف سیکرٹری سندھ آصف حیدر شاہ نے کارروائیوں پر اطمینان کا اظہار کرتے ہوئے کہا کہ اس سخت ایکشن کی بدولت مارکیٹ میں گندم کی رسد (Supply) میں نمایاں بہتری آئی ہے، اور غریب عوام کو ریلیف فراہم کرنے کے لیے آٹے کی قیمتوں میں استحکام کے تمام ضروری اقدامات مستقل بنیادوں پر جاری رکھے جائیں گے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026