بھارتی وزیر دفاع دن میں خواب دیکھنا چھوڑدیں،وزیراعلی سندھ

وزیراعلیٰ سندھ مراد علی شاہ نے سندھ سے متعلق بھارتی وزیر دفاع کے اشتعال انگیز بیان پر شدید ردعمل دیتے ہوئے اسے تاریخ سے لاعلمی اور سفارتی طور پر غیرذمہ دارانہ قرار دیا۔
اپنی ایکس پوسٹ میں وزیراعلیٰ سندھ نے کہا کہ بھارتی وزیر دفاع کو اپنی داخلی تقسیم پر توجہ دینی چاہیے اور پاکستان کے بارے میں دن میں خواب دیکھنا ترک کر دینا چاہیے۔

انہوں نے یاد دلایا کہ سندھ نے قیامِ پاکستان سے بھی پہلے، 1936 میں بمبئی پریذیڈنسی سے علیحدگی اختیار کی تھی، جہاں سندھ کے عوام نے خودمختاری، وقار اور اپنی سیاسی شناخت کو ترجیح دی۔مراد علی شاہ کا کہنا تھا کہ سندھ پاکستان کا اٹوٹ انگ اور ناقابلِ تقسیم حصہ ہے۔انہوں نے واضح کیا کہ سندھ کل بھی پاکستان کا حصہ تھا، آج بھی ہے اور ہمیشہ پاکستان کا حصہ رہے گا۔