عمران خان کی بہنوں اور بچوں کی حراست غیر قانونی ہے، شدید مذمت کرتے ہیں: شیخ وقاص اکرم

پاکستان تحریک انصاف (پی ٹی آئی) کے مرکزی سیکرٹری اطلاعات شیخ وقاص اکرم نے دعویٰ کیا ہے کہ پنجاب پولیس نے بانی پی ٹی آئی عمران خان کی دیگر دونوں بہنوں عظمیٰ خان اور نورین نیازی کو ان کے بچوں اور علیمہ خان کے بیٹوں سمیت حراست میں لے لیا ہے۔ سوشل میڈیا پلیٹ فارم ایکس (X) پر اپنے ایک بیان میں شیخ وقاص اکرم نے حکومتِ پنجاب اور پولیس کے اس اقدام کی شدید الفاظ میں مذمت کرتے ہوئے اسے غیر قانونی اور انتقامی کارروائی قرار دیا۔

انہوں نے مؤقف اختیار کیا کہ پولیس کی جانب سے تمام افراد کو بکتر بند گاڑی میں منتقل کر کے نامعلوم مقام پر منتقل کر دیا گیا ہے۔ پی ٹی آئی رہنما نے حکومتِ پنجاب کے ان اقدامات پر سخت تنقید کرتے ہوئے مطالبہ کیا کہ انتقامی کارروائیاں بند کی جائیں اور تمام زیرِ حراست افراد کو فوری طور پر عدالتوں میں پیش کر کے رہا کیا جائے۔