وزیراعظم کی بنگلہ دیشی ہم منصب سے ملاقات، تعلقات میں مثبت پیشرفت پر اظہار اطمینان

وزیراعظم محمد شہباز شریف کی اقوامِ متحدہ کی جنرل اسمبلی کے 81ویں اجلاس کے موقع پر بنگلہ دیش کے وزیراعظم طارق رحمان سے اعلیٰ سطح کی ملاقات ہوئی ہے، جس میں دونوں رہنماؤں نے پاکستان اور بنگلہ دیش کے مابین دوطرفہ تعلقات کے تمام پہلوؤں کا تفصیلی جائزہ لیا۔ وزیراعظم شہباز شریف نے اقوامِ متحدہ کی جنرل اسمبلی کے 81ویں اجلاس کی صدارت سنبھالنے پر بنگلہ دیشی قیادت کو مبارکباد دی اور عالمی فورم کے مقاصد کو آگے بڑھانے میں بنگلہ دیش کے مثبت کردار کی حمایت کا اعادہ کیا۔

ملاقات کے دوران دونوں وزرائے اعظم نے تجارت، سرمایہ کاری، تعلیم، سیاحت اور عوام کے مابین روابط کو مزید مستحکم و گہرا کرنے کے مشترکہ عزم کا اظہار کیا۔ بنگلہ دیش کے وزیراعظم طارق رحمان نے بھی خیر سگالی کے جذبات کا اظہار کرتے ہوئے تعلقات کی مثبت پیشرفت پر اطمینان ظاہر کیا اور پاکستان کے ساتھ تعاونی روابط کو مزید وسعت دینے کی خواہش کا اعادہ کیا۔ دونوں رہنماؤں نے علاقائی و عالمی امور سمیت کثیرالجہتی فورمز، بالخصوص اقوامِ متحدہ میں مسلسل رابطے اور شراکت داری کی اہمیت پر زور دیا۔