شہباز شریف کے ہتکِ عزت دعوے کا کیس، وکیل کی درخواست پر دلائل طلب

لاہور کی سیشن کورٹ میں وزیراعظم شہباز شریف کی جانب سے بانی پی ٹی آئی عمران خان کے خلاف دائر کیے گئے ہتکِ عزت کے دعوے پر سماعت ہوئی۔ دورانِ سماعت بانی پی ٹی آئی کے ایسوسی ایٹ وکیل نے استدعا کی کہ سینئر وکیل کراچی کی عدالت میں مصروف ہیں، اس لیے جیل میں بانی پی ٹی آئی سے ملاقات سے متعلق دائر متفرق درخواست پر سماعت کی جائے۔ فاضل عدالت نے ایسوسی ایٹ وکیل کی استدعا منظور کرتے ہوئے بانی پی ٹی آئی کی جیل میں ملاقات کی درخواست پر فریقین کے وکلاء سے 22 جولائی تک دلائل طلب کر لیے ہیں۔ واضح رہے کہ وزیراعظم شہباز شریف نے بانی پی ٹی آئی کے خلاف 10 ارب روپے کا ہتکِ عزت کا دعویٰ دائر کر رکھا ہے۔