LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

شرجیل میمن: صحافی ہماری آنکھیں اور کان ہیں، مثبت پاکستان دنیا کو دکھانا ہوگا

Web Desk

17 January 2026

اسلام آباد: سندھ کے سینئر وزیر اطلاعات و ٹرانسپورٹ شرجیل انعام میمن نے نیشنل پریس کلب اسلام آباد میں میڈیا سے گفتگو کرتے ہوئے کہا ہے کہ پاکستان پیپلز پارٹی نے ہمیشہ صحافی برادری کے حقوق اور فلاح کے لیے عملی اقدامات کیے ہیں۔ سندھ میں پریس کلبز اور صحافتی تنظیموں سے حکومت مسلسل رابطے میں رہتی ہے اور جرنلسٹ پروٹیکشن بل سب سے پہلے سندھ حکومت نے منظور کیا۔

شرجیل میمن نے کہا کہ اسلام آباد پریس کلب سے بھی متعدد درخواستیں موصول ہوئی ہیں اور کوشش ہے کہ سندھ کی طرح وفاقی دارالحکومت کے صحافیوں کو بھی سہولتیں فراہم کی جائیں۔ انہوں نے کہا کہ صحافی ہماری آنکھیں اور کان ہیں، اسی لیے سندھ حکومت نے اپنے عوامی فلاحی منصوبوں کے دورے ملک بھر کے صحافیوں کو کروائے۔

انہوں نے کہا کہ چیئرمین پاکستان پیپلز پارٹی بلاول بھٹو زرداری نے ایک تاریخی بریفنگ دی جس میں صحافیوں، سفارتکاروں اور بزنس کمیونٹی کی بڑی تعداد نے شرکت کی۔ بریفنگ کا مقصد دنیا کے سامنے پاکستان کا مثبت چہرہ پیش کرنا تھا۔

شرجیل میمن نے کہا کہ 2022 کے سیلاب کے بعد سندھ میں شدید تباہی ہوئی، جس پر بلاول بھٹو کی ہدایت پر 21 لاکھ گھروں کی تعمیر کا منصوبہ شروع کیا گیا۔ انہوں نے کہا کہ سندھ میں مینگروز لگانے سے گینز بک آف ورلڈ ریکارڈ میں پاکستان کا نام شامل ہوا۔

انہوں نے بتایا کہ سندھ حکومت نے صحت کے شعبے میں بھی انقلابی اقدامات کیے، جہاں گزشتہ سال 2.9 ملین دل کے مریضوں کا مفت علاج کیا گیا، جس سے پورے ملک کے شہری مستفید ہوئے۔ تھر میں کوئلے کے شعبے میں ایک ارب ڈالر سے زائد سرمایہ کاری کی جا چکی ہے جو نیشنل گرڈ کو بجلی فراہم کرے گی۔

شرجیل میمن نے کہا کہ بلاول بھٹو کی بریفنگ پر ہونے والی تنقید مناسب نہیں، کیونکہ ایوان صدر سب کا ہے اور وہاں اس سے قبل بھی مختلف تقریبات ہوتی رہی ہیں۔ انہوں نے کہا کہ پاکستان کی تاریخ میں پہلی بار اس نوعیت کا ایونٹ منعقد ہوا جسے زیادہ تر حلقوں نے سراہا۔