مغرب یوکرین تنازع کے پُرامن حل اور مذاکرات کی بحالی میں رکاوٹ ڈال رہا ہے، سرگئی لاوروف

روسی وزیرِ خارجہ سرگئی لاوروف نے نیویارک میں اقوامِ متحدہ کی جنرل اسمبلی کے 81 ویں اجلاس سے خطاب کرتے ہوئے کہا ہے کہ دنیا میں بنیادی تبدیلیاں رونما ہو رہی ہیں اور ایک زیادہ منصفانہ کثیر قطبی (Multipolar) عالمی نظام تشکیل پا رہا ہے، مگر مغربی ممالک اپنی ماضی کی بالادستی، یک قطبی نظام اور مراعات کو برقرار رکھنے کے لیے طاقت، دباؤ اور دوہرے معیار کا استعمال کر رہے ہیں۔ انہوں نے کہا کہ عالمی جنوب اور مشرق کے ممالک خودمختار ترقیاتی centers کی حیثیت سے ابھر رہے ہیں، جبکہ مغربی ممالک عالمی سلامتی اور بین الاقوامی قوانین کو خطرے میں ڈال کر مہم جوئی میں مصروف ہیں۔

سرگئی لاوروف نے عالمی تنازعات پر روس کا تفصیلی مؤقف پیش کرتے ہوئے کہا کہ مغربی ممالک یوکرین کو ہتھیار فراہم کر کے اور مذاکراتی عمل میں رکاوٹیں ڈال کر اسے روس کے خلاف آلے کے طور پر استعمال کر رہے ہیں۔ مشرقِ وسطیٰ کی صورتِ حال پر انہوں نے اقوامِ متحدہ کی قراردادوں کے مطابق ایک آزاد فلسطینی ریاست کے فوری قیام کو ناگزیر قرار دیا اور خبردار کیا کہ اگر فلسطینیوں کو ان کا حق نہ ملا تو اسرائیل کی اپنی سلامتی بھی دائمی خطرے میں رہے گی۔ انہوں نے ایران کی جوہری تنصیبات پر امریکی و اسرائیلی حملوں کی شدید مذمت کرتے ہوئے خلیج فارس میں اجتماعی سلامتی کی ضرورت پر زور دیا، جبکہ وینزویلا کے صدر نکولس مادورو اور ان کی اہلیہ کی فوری رہائی، کیوبا سے اقتصادی ناکہ بندی کے خاتمے اور بلقان میں سربیا پر یورپی یونین کے دباؤ کو فوری بند کرنے کا بھی مطالبہ کیا