LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

سینیٹ اور قومی کے آج اجلاسوں کا ایجنڈا جاری، کئی بل پیش ہوں گے

Web Desk

2 February 2026

سینیٹ اور قومی اسمبلی کے سیکرٹریٹ نے آج ہونے والے پارلیمانی اجلاسوں کا باضابطہ ایجنڈا جاری کر دیا ہے، جس کے مطابق دونوں ایوانوں میں قانون سازی سمیت اہم قومی و عوامی نوعیت کے معاملات زیرِ بحث آئیں گے۔

ایجنڈے کے مطابق سینیٹ کا اجلاس آج شام 4 بجے ہوگا، جس کے لیے 23 نکاتی ایجنڈا جاری کیا گیا ہے۔ اجلاس میں وفاقی ملازمین بینیولنٹ فنڈ اور گروپ انشورنس ترمیمی بل، فوجداری قوانین ترمیمی بل، انسدادِ انسانی اسمگلنگ ترمیمی بل اور انسدادِ الیکٹرانک جرائم ترمیمی بل پیش کیے جائیں گے۔

اس کے علاوہ پاکستان پینل کوڈ ترمیمی بل، فیملی کورٹس ترمیمی بل اور اسلام آباد میں بچوں کے خلاف جسمانی سزا کی ممانعت سے متعلق ترمیمی بل بھی ایجنڈے کا حصہ ہیں۔ قومی اسمبلی سے منظور شدہ تین بلز بھی سینیٹ میں منظوری کے لیے پیش کیے جائیں گے، جن میں زکوٰۃ و عشر ترمیمی بل، الیکشنز ترمیمی بل اور البیرونی انٹرنیشنل یونیورسٹی اسلام آباد بل شامل ہیں۔

دوسری جانب قومی اسمبلی کا اجلاس شام 5 بجے ہوگا، جس کے لیے 13 نکاتی ایجنڈا جاری کیا گیا ہے۔ اجلاس میں قانون سازی کے ساتھ ساتھ اہم قومی اور عوامی مسائل پر غور کیا جائے گا۔

ایجنڈے کے مطابق قومی اسمبلی اجلاس میں افغانستان میں پھنسے پاکستانی طلبہ کے معاملے پر توجہ دلاؤ نوٹس پیش کیا جائے گا جبکہ ملک میں پولیو کے نئے کیسز سامنے آنے پر بھی ایوان کی توجہ مبذول کرائی جائے گی۔ سنٹرز آف ایکسیلینس ایکٹ 1974 ترمیمی بل اور اسلام آباد سینئر سٹیزنز ایکٹ میں ترمیمی بل پر قائمہ کمیٹی کی رپورٹس بھی پیش کی جائیں گی۔

پیمرہ ترمیمی بل 2025، اے پی پی کارپوریشن ترمیمی بل اور نیوز پیپرز ایمپلائز کنڈیشنز آف سروس ترمیمی بل بھی ایجنڈے کا حصہ ہیں۔ اس کے علاوہ صدرِ مملکت کے پارلیمنٹ سے خطاب پر اظہارِ تشکر کی تحریک پر مزید بحث ہوگی۔

ادھر اسپیکر قومی اسمبلی سردار ایاز صادق نے بزنس ایڈوائزری کمیٹی کا اجلاس بھی طلب کر لیا ہے جو قومی اسمبلی کے اجلاس سے ایک گھنٹہ قبل شام 4 بجے منعقد ہوگا، جس میں قومی اسمبلی کے چوبیسویں سیشن کے ایجنڈے پر مشاورت کی جائے گی۔