سعودی عرب اور قطر کا دارالحکومتوں کو جوڑنے والی تیز رفتار ریل کا تاریخی معاہدہ

مسافروں کے لیے بڑی خوشخبری سامنے آگئی۔ سعودی عرب اور قطر نے اپنے دارالحکومتوں کو تیز رفتار ریل کے ذریعے ملانے کے لیے باضابطہ معاہدے پر دستخط کر دیے، جو خلیجی ریاستوں کے درمیان اپنی نوعیت کا پہلا ہائی اسپیڈ ریل منصوبہ ہے۔

سرکاری سعودی میڈیا کے مطابق یہ الیکٹرک ہائی اسپیڈ مسافر ٹرین ریاض کے شاہ سلمان انٹرنیشنل ایئرپورٹ کو دوحا کے حماد انٹرنیشنل ایئرپورٹ سے جوڑے گی۔
منصوبے کے تحت الہوفف اور دمام سمیت سعودی عرب کے دیگر اہم شہر بھی اس نیٹ ورک میں شامل کیے جانے کا امکان ہے۔

یہ منصوبہ خلیجی ممالک کے درمیان سفری سہولت، تجارت اور خطے میں رابطے کے فروغ کے لیے ’’گیم چینجر‘‘ تصور کیا جا رہا ہے۔