سعودی عرب میں پٹرول کی قیمت میں اضافہ، ہائی آکٹین فیول ایک ریال مہنگا

سعودی عرب میں پٹرول کی قیمتوں میں اضافہ کر دیا گیا ہے، جس کے تحت پٹرول ایک ریال فی لیٹر مہنگا ہو گیا ہے۔

عرب میڈیا کے مطابق سعودی آرامکو نے اپریل کے لیے پٹرول کی نئی قیمتوں کا اعلان کیا ہے، جس میں آکٹین 98 کی قیمت میں ایک ریال فی لیٹر اضافہ کیا گیا ہے۔

اس اضافے کے بعد آکٹین 98 کی نئی قیمت 3.94 ریال فی لیٹر ہو گئی ہے، جبکہ اس سے قبل یہ 2.94 ریال فی لیٹر میں فروخت ہو رہا تھا۔ سال کے آغاز میں اس کی قیمت 2.88 ریال فی لیٹر تھی۔

رپورٹ کے مطابق آکٹین 98 پٹرول بنیادی طور پر اسپورٹس اور ہائی پرفارمنس گاڑیوں میں استعمال کیا جاتا ہے، جن کی تعداد ملک میں محدود ہے۔