بحیرہ احمر کے راستے پاکستان کیلئے سعودی خام تیل کی ترسیل دوبارہ شروع

عرب میڈیا کی رپورٹ کے مطابق بحیرہ احمر (Red Sea) کے متبادل راستے سے پاکستان کے لیے سعودی خام تیل کی ترسیل باضابطہ طور پر دوبارہ شروع ہو گئی ہے۔ سعودی عرب نے اپنی اہم ‘ایسٹ ویسٹ پائپ لائن’ کو مکمل طور پر بحال کر دیا ہے، جو مملکت کے مشرقی آئل فیلڈز سے خام تیل کو بحیرہ احمر پر واقع ینبع (Yanbu) کی مغربی بندرگاہ تک منتقل کرتی ہے۔

واضح رہے کہ 13 ستمبر کو ہونے والے حملوں کے بعد سیکیورٹی خدشات کے پیشِ نظر اس پائپ لائن کو عارضی طور پر بند کر دیا گیا تھا، جس سے ایکسپورٹ ٹرمینل پر آئل ٹینکرز کی لوڈنگ کا عمل معطل ہو گیا تھا۔ پاکستان نے آبنائے ہرمز میں بڑھتی ہوئی سیکیورٹی کشیدگی اور بحری ٹریفک میں کمی کے باعث سعودی عرب کی ینبع بندرگاہ کو خام تیل کی درآمد کے لیے متبادل کے طور پر استعمال کرنا شروع کیا تھا، جس کی بحالی سے پاکستان کی توانائی کی فراہمی اور معاشی سلسلہ مستحکم ہوگا۔