سعودی سول ڈیفنس نے مختلف شہروں میں خطرے کا الرٹ جاری کر دیا

سعودی عرب کے جنرل ڈائریکٹوریٹ آف سول ڈیفنس نے ملک کے مختلف شہروں اور اہم علاقوں میں غیر متوقع موسمی حالات یا ممکنہ ایمرجنسی خطرات کے پیشِ نظر ہائی الرٹ جاری کر دیا ہے۔ سعودی حکام کی جانب سے خمیس مشیط، صوبہ العلا، صوبہ مدینہ کے ینبع ریجن اور سیاحتی مقام طائف سمیت متعدد اضلاع کے لیے الرٹ جاری کرتے ہوئے حفاظتی اقدامات تیز کر دیے گئے ہیں۔

سعودی سول ڈیفنس کے جاری کردہ نوٹیفکیشن کے مطابق جدہ، ابہا اور جازان میں بھی ممکنہ خطرات کا الرٹ نافذ کیا گیا ہے۔ شہری دفاع کے حکام نے تمام متعلقہ علاقوں کے مقیمین اور شہریوں کو ہدایت کی ہے کہ وہ سفر کے دوران انتہائی احتیاطی تدابیر اختیار کریں، انتظامیہ کی جانب سے جاری کردہ ہدایات پر سختی سے عمل کریں اور غیر ضروری طور پر خطرے والے مقامات کا رخ کرنے سے گریز کریں۔