سعودی عرب میں ٹریفک حادثہ، میاں بیوی اور بچوں سمیت 9 افراد جاں بحق

سعودی عرب کے مشرقی صوبے کے ضلع الاحسا میں العقیر-العیو شاہراہ پر دو گاڑیوں کے درمیان خوفناک ٹریفک حادثے کے نتیجے میں 9 افراد جاں بحق ہو گئے۔ سعودی میڈیا کے مطابق حادثے میں ایک گاڑی میں سوار ایک ہی خاندان کے 7 افراد، جن میں میاں، بیوی، ان کے 3 بیٹے اور 2 بیٹیاں شامل تھیں، موقع پر ہی دم توڑ گئے، جبکہ دوسری گاڑی میں سوار 2 مقامی نوجوان بھی شدید زدوکوب ہو کر جان کی بازی ہار گئے۔

سعودی محکمہ ٹریفک کی ابتدائی رپورٹ کے مطابق حادثہ تیز رفتاری کے دوران اچانک گاڑی کا رخ مڑنے (Sudden Swerve) کے باعث پیش آیا، جس کی وجہ سے دونوں گاڑیاں بری طرح تباہ ہو گئیں۔ اطلاع ملتے ہی سول ڈیفنس اور سعودی ریڈ کریسنٹ کی امدادی ٹیمیں موقع پر پہنچ گئیں اور گاڑیوں کے ملبے سے لاشوں کو نکال کر ضروری قانونی اور طبی کارروائی کا آغاز کر دیا۔