محمد صلاح کی لیورپول سے ناراضی بڑھ گئی، چیمپینز لیگ اسکواڈ سے باہر

لیورپول: مسلسل تین میچوں میں بینچ پر بیٹھنے کے بعد اسٹار فٹبالر محمد صلاح کی لیورپول سے سرد مہری شدت اختیار کر گئی ہے۔ 33 سالہ مصری کھلاڑی نے شکوہ کیا کہ ٹیم کی ناکامی کا ملبہ ان پر ڈال کر انہیں ’’قربانی کا بکرا‘‘ بنایا جا رہا ہے۔

انٹرویو کی بازگشت ابھی ختم بھی نہیں ہوئی تھی کہ کلب نے انہیں چیمپینز لیگ اسکواڈ سے باہر کردیا۔ منیجر سلٹ نے وضاحت کی کہ یہ کوئی ’’سزا‘‘ نہیں بلکہ محض اسکواڈ سلیکشن کا فیصلہ ہے۔

لیورپول کے سابق کپتان جیمی کیراگر نے صلاح کے بیان کو کلب اور مینیجر پر دباؤ بڑھانے کا حربہ قرار دیا ہے۔ ادھر عرب میڈیا کا دعویٰ ہے کہ سعودی پرو لیگ نے صلاح کے لیے 200 ملین ڈالر مالیت کے ممکنہ معاہدے کی تیاریاں تیز کر دی ہیں۔