اسحاق ڈار سے روسی سفیر کی ملاقات، تعلقات مزید مضبوط بنانے کا عزم

اسلام آباد: وزیر خارجہ اسحاق ڈار سے پاکستان میں روسی سفیر البرٹ پی خوریف نے ملاقات کی اور اسلام آباد دھماکے کے حوالے سے تعزیت کی۔دفتر خارجہ کے مطابق ملاقات میں پاکستان اور روس کے درمیان دوطرفہ تعلقات کے تمام پہلوؤں کا جائزہ لیا گیا۔ دونوں جانب سے تعلقات کو مزید مضبوط بنانے کے عزم کا اعادہ کیا گیا۔روسی سفیر نے مسجد پر دہشت گرد حملے میں قیمتی جانوں کے ضیاع پر تعزیت کی اور متاثرہ خاندانوں کے ساتھ یکجہتی کا اظہار کیا۔ترجمان نے بتایا کہ ملاقات میں دہشت گردی کی تمام اقسام کے خلاف پاکستان کے غیر متزلزل عزم کو بھی دہرایا گیا۔