روس میں پارلیمانی انتخابات کے آخری روز ماسکو پر بڑا ڈرون حملہ

روس میں جاری پارلیمانی انتخابات کے آخری روز دارالحکومت ماسکو اور دیگر علاقوں میں ہونے والے شدید ڈرون حملوں کے نتیجے میں کم از کم 3 افراد ہلاک ہو گئے۔ ماسکو کے میئر نے ان حملوں کو دارالحکومت کی تاریخ میں اب تک کا سب سے بڑا ڈرون حملہ قرار دیا، جس کے باعث ماسکو میں واقع ایک اہم آئل ریفائنری کو بھی شدید نقصان پہنچا۔

روسی حکام کے مطابق خیرسون کے علاقے میں بھی ڈرون حملوں کے نتیجے میں مزید 2 افراد ہلاک ہوئے، جن میں انتخابی ڈیوٹی پر مامور ایک اہلکار بھی شامل ہے۔ اس کے علاوہ حکام نے انکشاف کیا کہ پولنگ کے دوران روسی انتخابی نظام کو سائبر حملوں کی متعدد لہروں کا سامنا کرنا پڑا، جبکہ بیرونی عناصر کی جانب سے جمہوری عمل کو متاثر اور ڈسٹرب کرنے کی بھرپور کوشش کی گئی۔