پاکستان کا ٹی ٹونٹی ورلڈ کپ بائیکاٹ سنگین اثرات ڈال سکتا ہے،راشد لطیف

قومی کرکٹ ٹیم کے سابق وکٹ کیپر راشد لطیف نے ٹی ٹونٹی ورلڈ کپ سے متعلق بڑے فیصلوں پر اپنے خیالات کا اظہار کرتے ہوئے کہا کہ اس طرح کے فیصلے کرکٹ پر لمبے عرصے تک اثر ڈال سکتے ہیں۔

انہوں نے کہا کہ اگر پاکستان ورلڈ کپ کا بائیکاٹ کرتا ہے تو یہ ایک جرات مندانہ قدم ہوگا اور آئی سی سی کو براہ راست نقصان پہنچے گا۔ راشد لطیف نے خبردار کیا کہ یہ فیصلہ صرف اس ورلڈ کپ تک محدود نہیں رہے گا بلکہ 2027 ورلڈ کپ، ویمنز ورلڈ کپ، انڈر 19 ورلڈ کپ، اور ایشیا کپ کے میچز بھی متاثر ہو سکتے ہیں۔سابق وکٹ کیپر نے مزید کہا کہ پاکستان اگر بھارت کے خلاف نہیں کھیلے گا تو 2029 میں چیمپئنز ٹرافی اور 2031 کے بھارت اور بنگلہ دیش ورلڈ کپ بھی متاثر ہوں گے۔ انہوں نے بین الاقوامی کرکٹ کے تحفظ کے لیے سفارت کاری کی ضرورت پر زور دیا۔