پاکستان میں رمضان المبارک کا چاند نظرآگیا، کل پہلا روزہ ہوگا

پاکستان میں رمضان المبارک  1447ہجری کا چاند نظرآگیا۔پہلا روزہ جمعرات 19فروری 2026 کو ہوگا۔ ماہ رمضان کا چاند دیکھنے کے لیے مرکزی رویت ہلال کمیٹی کا اجلاس پشاور میں ہوا۔اجلاس کی صدارت چیئرمین مرکزی رویت ہلال کمیٹی مولانا عبدالخبیر آزاد نے کی۔اجلاس کے بعد مولانا عبدالخبیر آزاد نے چاند نظرآنےکا باضابطہ اعلان کیا۔۔انہوں نے کہاکہ انہوں نے بتایا کہ پشاور، کوئٹہ، بونیر، کراچی اور دیگر مقامات سے چاند دیکھنے کی مصدقہ شہادتیں موصول ہوئی ہیں، ملک بھر میں رمضان المبارک 1447 ہجری کا چاند نظر آگیاہے اور 19 فروری بروز جمعرات کو پہلا روزہ ہوگا۔

پشاورمیں مرکزی رویت ہلال کمیٹی کے اجلاس کے علاوہ  کراچی، کوئٹہ، اسلام آباد، راولپنڈی اورلاہور سمیت دیگر شہروں  میں بھی زونل کمیٹیوں کے اجلاس ہوئے، جہاں سے چاند کی رویت سے متعلق شہادتیں جمع کر کے مرکزی کمیٹی کو بھیجی گئیں۔مرکزی اجلاس میں کمیٹی کے ارکان کے علاوہ  محکمہ موسمیات، اسپارکو اور وزارتِ سائنس اینڈ ٹیکنالوجی کے نمائندے بھی شریک ہوئے۔