ٹی ٹوئنٹی ورلڈکپ کا بائیکاٹ، پاکستان بنگلہ دیش کو اکسارہاہے، بھارت کا بھونڈاالزام

بھارت بنگلہ دیش کرکٹ بورڈ کےلیے پاکستان کی حمایت ہضم نہ کرسکا۔بھارتی کرکٹ بورڈ کے نائب صدر راجیو شکلا الزام تراشیوں پر اترآئے۔

نئی دہلی میں میڈیاسے گفتگوکرتے ہوئے راجیو شکلا کا کہنا تھا کہ ہم چاہتے تھے کہ بنگلا دیش کھیلے ، ہم نے مکمل سکیورٹی کی یقین دہانی بھی کرائی تھی لیکن  بنگلادیش کرکٹ بورڈ نے کہا کہ ان کی حکومت کہہ رہی ہے کہ ٹیم بھارت نہیں بھیج سکتے۔آخری لمحات میں پورے شیڈول کو تبدیل کرنا بہت مشکل ہے، یہی وجہ ہے کہ اسکاٹ لینڈ کو شامل کیا گیا ہے۔

راجیو شکلا نے الزام عائد کیاکہ پاکستان بغیر کسی وجہ کے اس معاملے میں مداخلت کر رہا ہے اور  بنگلادیش کو اکسا رہا ہے۔

راجیو شکلا کاہرزہ سرائی کرتے ہوئے کہناتھاکہ  پاکستان بنگلا دیش کو گمراہ کرنے کی کوشش کر رہا جو کہ سراسر غلط ہے۔

واضح رہے کہ ٹی ٹوئنٹی ورلڈکپ  میں بنگلادیش نے عدم تحفظ کی بنیاد پر بھارت جانے سے انکار کردیا تھا اور  اپنے تمام میچز سری لنکا منتقل کرنے کی درخواست کی تھی۔تاہم آئی سی سی نے بنگلا دیش بورڈ کی درخواست رد کردی اور اس کی جگہ اسکاٹ لینڈ کو گروپ میں شامل کرلیا۔