حکومت ہماری ویزا درخواستوں پر کارروائی روک رہی ہے، والد عمران خان سے ملاقات چاہتے ہیں،قاسم خان

عمران خان کے بیٹے قاسم خان نے کہا ہے کہ وہ اور ان کا بھائی اپنے والد سے ملاقات کے لیے پاکستان آنا چاہتے ہیں، مگر حکومت جان بوجھ کر ان کی ویزا درخواستوں پر کارروائی نہیں کر رہی۔ قاسم خان نے بتایا کہ ان کے والد 914 دن سے قید تنہائی میں ہیں، ان کی صحت بگڑ رہی ہے اور انہیں آزاد طبی سہولت فراہم نہیں کی جا رہی۔
انہوں نے زور دیا کہ قیدی کو علاج سے محروم رکھنا ظلم ہے اور بچوں کو والد سے ملنے سے روکنا اجتماعی سزا کے مترادف ہے۔ قاسم خان نے عالمی انسانی حقوق کی تنظیموں اور متعلقہ حکومتوں سے فوری مداخلت کا مطالبہ کیا ہے تاکہ نقصان سے پہلے اس مسئلے کو حل کیا جا سکے۔