LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

رمضان نگہبان پیکج 47 ارب روپے، 42 لاکھ خاندان مستفید ہوں گے: عظمیٰ بخاری

Web Desk

28 January 2026

وزیر اطلاعات پنجاب عظمیٰ بخاری نے لاہور میں پریس کانفرنس کے دوران بتایا کہ رواں سال رمضان نگہبان پیکج 47 ارب روپے پر مشتمل ہے، جس سے 42 لاکھ خاندان رمضان نگہبان کارڈ کے ذریعے مستفید ہوں گے۔ انہوں نے کہا کہ وزیراعلیٰ پنجاب مریم نواز شریف کے ہر منصوبے سے لاکھوں افراد کو فائدہ پہنچ رہا ہے، جیسے ستھرا پنجاب، رمضان نگہبان پیکج، فیلڈ ہسپتال اور دیگر عوامی فلاحی اقدامات۔

عظمیٰ بخاری نے بتایا کہ گزشتہ سال مستحق خاندانوں کو پے آرڈر کے ذریعے 10 ہزار روپے دیے گئے تھے، جبکہ اس سال رمضان نگہبان کارڈز پرنٹ ہو چکے ہیں اور رمضان سے قبل مستحق افراد تک پہنچا دیے جائیں گے۔ پیکج میں شامل افراد کی ماہانہ آمدن 45 ہزار روپے سے کم ہونی چاہیے، اور اس کے لیے گھر گھر سروے کیا گیا۔

وزیر اطلاعات نے بتایا کہ رمضان المبارک میں “نگہبان دسترخوان” اور “مریم کے مہمان” پروگرام بھی شروع ہو رہے ہیں، جس کے تحت ہر تحصیل میں کم از کم 2 ہزار افراد کو معیاری افطاری فراہم کی جائے گی۔ سہولت بازاروں میں اشیائے خورونوش 10 سے 15 روپے کم قیمت پر دستیاب ہیں، اور پنجاب کے 30 اضلاع میں 65 سہولت بازار فعال کیے جا چکے ہیں۔

عظمیٰ بخاری نے مزید کہا کہ منافع خوری اور ذخیرہ اندوزی کے خلاف سخت کارروائیاں جاری ہیں، لیبر کلاس کے راشن کارڈ میں اضافہ کیا گیا ہے، اور تحصیل کی سطح پر 1500 مزید الیکٹرک بسوں کی منظوری دی گئی ہے۔ انہوں نے گلبرگ پلازہ میں آتشزدگی کے واقعے پر بھی بات کرتے ہوئے کہا کہ بروقت حکومتی کارروائی سے جانوں اور املاک کو محفوظ بنایا گیا۔