پنجاب سے 1 لاکھ 38 ہزار 342 غیر قانونی مقیم افغان باشندوں کو واپس بھجوا دیا: محکمہ داخلہ
Web Desk
12 July 2026
محکمہ داخلہ پنجاب کے فارن نیشنل سکیورٹی سیل کی جانب سے غیر قانونی طور پر مقیم افغان باشندوں کے انخلاء کے لیے صوبے بھر میں کریک ڈاؤن اور کارروائیاں تیزی سے جاری ہیں۔ حکومتِ پاکستان کی پالیسی کے تحت، قابلِ قبول ویزا کے بغیر مقیم تمام افغان شہریوں کا قیام غیر قانونی تصور کیا جاتا ہے اور انہیں مرحلہ وار وطن واپس بھیجا جا رہا ہے۔
محکمہ داخلہ کی جانب سے جاری کردہ اعداد و شمار کے مطابق، اب تک ملک بھر سے مجموعی طور پر 25 لاکھ 88 ہزار 16 افغان باشندوں کو واپس بھجوایا جا چکا ہے، جبکہ صرف صوبہ پنجاب سے ایک لاکھ 38 ہزار 342 غیر قانونی طور پر مقیم افغان شہریوں کی وطن واپسی عمل میں لائی گئی ہے۔ حکام کا کہنا ہے کہ کریک ڈاؤن کے دوران صوبے بھر کے رہائشی علاقوں اور مارکیٹوں کی سخت جانچ پڑتال کی گئی۔ گرفتار کیے جانے والے غیر قانونی افغان شہریوں کو پہلے ہولڈنگ سینٹرز منتقل کیا جاتا ہے، جہاں ان کی عارضی رہائش، رجسٹریشن اور دستاویزی انتظامات مکمل کیے جاتے ہیں۔
اس وقت پنجاب میں 36 ہولڈنگ سینٹرز مکمل طور پر فعال ہیں، جہاں موجودہ کارروائیوں کے دوران 53 افغان شہری زیرِ انتظام ہیں، جنہیں بعد ازاں طورخم بارڈر کے ذریعے افغان حکام کے حوالے کیا جائے گا۔ حکام نے واضح کیا ہے کہ یہ کارروائیاں صرف ان افراد کے خلاف ہیں جن کے پاس قانونی دستاویزات نہیں ہیں۔ محکمہ داخلہ نے عوام سے اپیل کی ہے کہ افغان شہریوں کے غیر قانونی قیام، شناختی جعلسازی یا کسی بھی مشکوک سرگرمی کی اطلاع فوری طور پر ایمرجنسی ہیلپ لائن 15 پر دیں؛ اطلاع دینے والے شہریوں کا نام اور شناخت مکمل طور پر صیغۂ راز میں رکھی جائے گی۔
متعلقہ عنوانات
جنگ کے خاتمے اور لبنان کی خود مختاری یقینی بنائے بغیر امن ممکن نہیں: باقر قالیباف
16 November 2026
عالمی منڈی میں خام تیل کی قیمتوں میں مجموعی طور پر کمی اور اتار چڑھاؤ کا رجحان برقرار
16 November 2026
ایرانی فوج کا آبنائے ہرمز میں امریکی MQ-1 ڈرون مار گرانے کا دعویٰ
16 November 2026
یوکرینی صدر زیلنسکی کا امریکی اور یورپی نمائندوں سے نئے مذاکرات کا انکشاف
16 November 2026
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026