’اپنا کھیت اپنا روزگار‘ سکیم کو مختصرعرصے میں حقیقت کی شکل دی: مریم نواز
Web Desk
6 July 2026
وزیراعلیٰ پنجاب مریم نواز شریف نے صوبے میں زرعی انقلاب کی جانب ایک بڑا قدم اٹھاتے ہوئے ’اپنا کھیت اپنا روزگار سکیم‘ کے تحت 30 ہزار بے زمین اور مستحق خاندانوں کے لیے کمپیوٹرائزڈ قرعہ اندازی کا عمل مکمل کر لیا ہے۔
اس پروگرام کے تحت مجموعی طور پر ایک لاکھ 21 ہزار ایکڑ سرکاری زرعی اراضی، 20 سال کے لیے محض 100 روپے سالانہ فی ایکڑ کی علامتی لیز پر مستحق کسانوں کو فراہم کی جا رہی ہے۔ وزیراعلیٰ نے بتایا کہ اس سکیم کا آغاز رواں سال 22 اپریل کو ہوا تھا، جس کے لیے 60 ہزار درخواستیں موصول ہوئیں اور آج شفاف طریقے سے 29 ہزار لاٹس کی قرعہ اندازی مکمل کر لی گئی ہے۔
وزیراعلیٰ پنجاب نے واضح کیا کہ کامیاب ہونے والے ہر کسان کو نہ صرف 4 ایکڑ زمین دی جائے گی بلکہ زمین کی تیاری اور کاشتکاری کے لیے 2 لاکھ روپے کی خصوصی مالی معاونت بھی فراہم کی جائے گی تاکہ کسان کسی کے محتاج نہ رہیں۔ اس کے علاوہ انہیں کاشتکاری کے لیے جدید تکنیکی مدد بھی فراہم کی جائے گی۔
قرعہ اندازی کے موقع پر مریم نواز نے کہا کہ یہ عمل 100 فیصد میرٹ پر مبنی ہے اور اس میں کسی بھی قسم کی سفارش یا سیاسی دباؤ کو قبول نہیں کیا گیا۔ انہوں نے بتایا کہ قرعہ اندازی میں 11 ہزار خواتین نے بھی حصہ لیا۔ انہوں نے ہدایت کی کہ تمام درخواست گزاروں کو ذاتی سماعت اور اپیل کا حق دیا جائے، جبکہ ایک ہفتے کے اندر الاٹمنٹ لیٹرز جاری کر کے 31 جولائی تک اراضی کا قبضہ بھی کسانوں کے حوالے کرنے کا عمل مکمل کیا جائے۔
وزیراعلیٰ پنجاب نے اعلان کیا کہ پنجاب میں جہاں بھی مزید قابلِ کاشت سرکاری زمین دستیاب ہوگی، اسے مرحلہ وار مستحق خاندانوں میں تقسیم کیا جائے گا تاکہ زیادہ سے زیادہ بے زمین کسان اس پروگرام سے مستفید ہو سکیں۔ ان کا کہنا تھا کہ اس سکیم کا بنیادی مقصد غریب خاندانوں کو معاشی خودمختاری دینا، زرعی پیداوار میں اضافہ کرنا اور کسانوں کی عزتِ نفس کو بحال کرنا ہے۔ انہوں نے کامیاب امیدواروں کو مبارکباد دیتے ہوئے کہا کہ “آج سے یہ زمین آپ کی ملکیت ہے، اب آپ اگلے 20 سال کے لیے اس کے مالک و مختار ہیں۔”
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026