پی ٹی آئی کا آج پاور شو، اسلام آباد ہائیکورٹ اور اڈیالہ جیل کے باہر احتجاج کا اعلان

پاکستان تحریک انصاف نے آج اسلام آباد میں بھرپور احتجاج کرنے کا فیصلہ کر لیا ہے۔ پارٹی ذرائع کے مطابق وزیراعلیٰ خیبرپختونخوا، اراکین قومی و صوبائی اسمبلی سمیت بڑی تعداد میں مقامی قیادت اور ورکرز اسلام آباد ہائیکورٹ کے باہر احتجاج کریں گے۔
ذرائع کا کہنا ہے کہ اسلام آباد ہائیکورٹ کے باہر احتجاج کے بعد مظاہرین اڈیالہ جیل کا رخ کریں گے، جہاں بانی پی ٹی آئی سے ملاقات نہ ہونے کی صورت میں آئندہ احتجاجی لائحہ عمل کا اعلان بھی متوقع ہے۔
پارٹی ذرائع کے مطابق پی ٹی آئی ورکرز آج پشاور ٹول پلازہ سے صوابی کے لیے روانہ ہوں گے، جہاں سے وہ مقامی قیادت کی نگرانی میں اٹک جائیں گے اور موٹر وے بند کریں گے۔
ادھر اراکین قومی و صوبائی اسمبلی گزشتہ رات ہی اسلام آباد پہنچ چکے ہیں اور احتجاج میں شرکت کے لیے تیار ہیں