LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

راولپنڈی: اڈیالہ جیل کے باہر پی ٹی آئی دھرنا ختم، پولیس کا آپریشن، کارکن منتشر

Web Desk

13 January 2026

راولپنڈی میں فیکٹری ناکہ کے مقام پر قائم پی ٹی آئی کارکنان کے دھرنے کو پولیس اور اینٹی رائٹس مینجمنٹ یونٹ نے آپریشن کے ذریعے ختم کر دیا۔ اس سے قبل پولیس نے بانی پی ٹی آئی کی بہنوں اور دھرنے میں موجود کارکنوں کو دھرنا ختم کرنے کا الٹیمیٹم جاری کیا تھا۔

پولیس نے فیکٹری ناکہ پر قیدی وینز بھی طلب کر لیں اور کارروائی شروع کر دی۔ پولیس اور اینٹی رائٹس مینجمنٹ یونٹ نے مشترکہ آپریشن کے دوران دھرنے کے شرکاء کو موقع سے اٹھا دیا، جس کے بعد متعدد کارکن گورکھپور کی جانب بھاگ گئے۔

بعد ازاں پولیس سے مذاکرات کے بعد اڈیالہ جیل فیکٹری ناکہ پر علیمہ خان کا دھرنا ختم کر دیا گیا۔ علیمہ خان اپنی دونوں بہنوں کے ہمراہ واپس روانہ ہو گئیں جبکہ دھرنے میں موجود کارکنان بھی موقع سے واپس چلے گئے۔ پولیس نے فیکٹری ناکہ مکمل طور پر خالی کرا لیا۔

علیمہ خان اور ان کی بہنیں اپنی اپنی گاڑیوں میں بیٹھ کر روانہ ہوئیں۔ بانی پی ٹی آئی سے ملاقات نہ کرائے جانے پر علیمہ خان نے تقریباً 11 گھنٹے تک دھرنا دیا۔

دھرنے میں سلمان اکرم راجہ، شوکت بسرا، شاہد خٹک، زیاد خالق کیانی، کرنل ریٹائرڈ اجمل صابر راجہ، مقرب علی سمیت دیگر رہنما بھی شریک تھے۔

ذرائع کے مطابق پولیس دھرنا شرکاء کے تعاقب میں گورکھپور کی جانب بھی روانہ ہوئی تھی۔ اسی دوران پی ٹی آئی کے رہنما سلمان اکرم راجہ اڈیالہ جیل کے قریب فیکٹری ناکہ پر پہنچے اور میڈیا سے گفتگو کی۔

سلمان اکرم راجہ کا کہنا تھا کہ اڈیالہ جیل میں ملاقات کے لیے فہرست دیے جانے کے باوجود کسی کو بانی پی ٹی آئی سے ملاقات کی اجازت نہیں دی گئی۔ ان کا کہنا تھا کہ ہر ہفتے یہی صورتحال ہوتی ہے اور ملاقاتوں سے روکا جا رہا ہے۔