بانی پی ٹی آئی کی قید کے 3 سال؛ 5 اگست کو ملک گیر احتجاجی ریلیاں نکالنے کا فیصلہ

پاکستان تحریک انصاف (پی ٹی آئی) کے چیئرمین بیرسٹر گوہر خان نے مشترکہ پارلیمانی پارٹی اجلاس کے بعد پریس کانفرنس کرتے ہوئے اعلان کیا ہے کہ بانی پی ٹی آئی کی قید کو تین سال مکمل ہونے پر 5 اگست کو ملک بھر میں احتجاجی ریلیاں نکالی جائیں گی۔ انہوں نے بتایا کہ جوائنٹ پارلیمانی میٹنگ میں بانی پی ٹی آئی اور بشریٰ بی بی کی مسلسل قید اور ان کی صحت پر گہری تشویش کا اظہار کرتے ہوئے اس کی شدید مذمت کی گئی۔ بیرسٹر گوہر کا کہنا تھا کہ پی ٹی آئی کا ہر رکنِ اسمبلی بانی کی قید کو ناحق سمجھتا ہے، عدالتوں سے انصاف نہیں مل رہا اور اپیلوں پر فیصلے نہیں آ رہے۔ انہوں نے واضح کیا کہ 5 اگست کے احتجاج اور آئندہ کے سیاسی لائحہ عمل کے لیے اپوزیشن لیڈر محمود خان اچکزئی اور علامہ ناصر عباس سمیت سیاسی کمیٹی اور اتحادیوں سے مشاورت کی جائے گی، جس کے بعد اگلے قدم کا اعلان ہوگا؛ ملک سے ظلم اور ناانصافی کا خاتمہ اب ناگزیر ہو چکا ہے۔