پاکستان سٹاک ایکسچینج میں زبردست تیزی، ایک لاکھ 91 ہزار پوائنٹس کی حد پار

پاکستان اسٹاک ایکسچینج میں مثبت رجحان کے باعث نئے ریکارڈ قائم ہونے کا سلسلہ برقرار ہے۔
کاروباری ہفتے کے پہلے روز کاروبار کے آغاز پر اسٹاک مارکیٹ میں زبردست تیزی دیکھنے میں آئی اور ہنڈرڈ انڈیکس 1800 سے زائد پوائنٹس کے اضافے کے ساتھ ایک لاکھ 91 ہزار پوائنٹس کی سطح عبور کر گیا۔
دورانِ کاروبار ہنڈرڈ انڈیکس ایک لاکھ 91 ہزار 32 پوائنٹس کی بلند ترین سطح تک پہنچ گیا، جو مارکیٹ کی تاریخ کی ایک اہم پیش رفت قرار دی جا رہی ہے۔
واضح رہے کہ گزشتہ کاروباری ہفتے کے آخری روز ٹریڈنگ کے اختتام پر ہنڈرڈ انڈیکس 1478 پوائنٹس اضافے کے ساتھ ایک لاکھ 89 ہزار 166 پوائنٹس پر بند ہوا تھا۔