پاکستان سٹاک ایکسچینج میں کاروبار کے پہلے روز مثبت رجحان

پاکستان اسٹاک ایکسچینج (پی ایس ایکس) میں کاروباری ہفتے کا آغاز مثبت رجحان کے ساتھ ہوا ہے۔

کاروباری ہفتے کے پہلے روز ٹریڈنگ کے آغاز پر کے ایس ای 100 انڈیکس میں 1500 سے زائد پوائنٹس کا نمایاں اضافہ ریکارڈ کیا گیا، جس کے بعد ہنڈرڈ انڈیکس بڑھ کر ایک لاکھ 84 ہزار 697 پوائنٹس کی سطح پر ٹریڈ کر رہا ہے۔

یاد رہے کہ گزشتہ کاروباری ہفتے کے آخری روز مارکیٹ منفی زون میں بند ہوئی تھی، جب کے ایس ای 100 انڈیکس 3702 پوائنٹس کی کمی کے ساتھ ایک لاکھ 84 ہزار 129 پوائنٹس پر بند ہوا تھا۔

تجزیہ کاروں کے مطابق ہفتے کے آغاز پر مثبت رجحان سرمایہ کاروں کے اعتماد کی عکاسی کرتا ہے اور آئندہ دنوں میں مارکیٹ کی سمت کا انحصار معاشی اشاریوں اور سرمایہ کاروں کی سرگرمیوں پر ہوگا۔