پاکستان سٹاک ایکسچینج میں شدید مندی، تاجروں کے کروڑوں ڈوب گئے

کراچی: پاکستان اسٹاک ایکسچینج میں کاروباری ہفتے کے آخری روز شدید مندی دیکھنے میں آئی اور ٹریڈنگ کا اختتام بڑے خسارے پر ہوا۔

کے ایس ای 100 انڈیکس 3702 پوائنٹس کی کمی کے بعد ایک لاکھ 84 ہزار 129 پوائنٹس پر بند ہوا۔ دورانِ ٹریڈنگ انڈیکس 4 ہزار سے زائد پوائنٹس تک نیچے آیا اور ایک لاکھ 88 ہزار کی سطح سے گر کر ایک لاکھ 83 ہزار کی حد تک ٹریڈ کرتا رہا۔

بازار میں مجموعی طور پر 564 کمپنیوں کے شیئرز کا کاروبار ہوا، جن میں سے 113 کمپنیوں کے شیئرز کی قیمت میں اضافہ جبکہ 323 کمپنیوں کے شیئرز میں کمی ریکارڈ کی گئی۔

پاکستان اسٹاک ایکسچینج میں 60 ارب روپے مالیت کے ایک ارب 27 کروڑ شیئرز کا لین دین ہوا، جو مارکیٹ میں شدید فروخت کے دباؤ کی عکاسی کرتا ہے۔