پاکستان سٹاک مارکیٹ میں کاروبار کے دوران منفی رجحان

پاکستان اسٹاک ایکسچینج (PSX) میں کاروباری ہفتے کے چوتھے روز (جمعرات) منفی رجحان غالب رہا، جہاں مارکیٹ کے آغاز پر ہی شدید مندی ریکارڈ کی گئی۔ کے ایس ای 100 انڈیکس میں 900 سے زائد پوائنٹس کی بڑی کمی واقع ہوئی، جس کے بعد انڈیکس 175,110 پوائنٹس کی سطح پر آ گیا۔ اس سے قبل گزشتہ کاروباری دن کے اختتام پر بھی اسٹاک مارکیٹ میں مسلسل دباؤ کے باعث انڈیکس 1,580 پوائنٹس کی مندی کے ساتھ 176,042 کی سطح پر بند ہوا تھا۔ معاشی ماہرین کے مطابق مارکیٹ میں جاری یہ اتار چڑھاؤ اور سرمایہ کاروں کی محتاط حکمتِ عملی مندی کا سبب بن رہی ہے۔