پاکستان سٹاک مارکیٹ میں زبردست تیزی، 3000 سے زائد پوائنٹس کا اضافہ

پاکستان سٹاک ایکسچینج میں آج کاروبار کا آغاز زبردست تیزی کے ساتھ ہوا، جہاں ہنڈرڈ انڈیکس میں 3 ہزار 386 پوائنٹس کا نمایاں اضافہ ریکارڈ کیا گیا ہے۔ اس تیزی کے بعد انڈیکس 1 لاکھ 68 ہزار 128 پوائنٹس کی نئی بلند ترین سطح پر پہنچ گیا ہے۔ واضح رہے کہ گزشتہ روز بھی مارکیٹ میں مثبت رجحان رہا تھا اور انڈیکس 793 پوائنٹس کے اضافے کے ساتھ 1 لاکھ 64 ہزار 742 پر بند ہوا تھا، تاہم آج کی ابتدائی تیزی نے گزشتہ تمام ریکارڈز کے مقابلے میں غیر معمولی کارکردگی دکھائی ہے۔