پی سی بی کا نیو یارک میں پی ایس ایل روڈ شو کرانے کا اعلان

پاکستان کرکٹ بورڈ (پی سی بی) نے لندن کے بعد نیو یارک میں بھی پاکستان سپر لیگ (پی ایس ایل) روڈ شو کرانے کا اعلان کر دیا ہے۔

پی سی بی کے اعلامیے کے مطابق، نیو یارک میں پی ایس ایل روڈ شو 13 دسمبر کو ہوگا، جس میں قومی ٹی 20 ٹیم کے کپتان سلمان علی آغا شریک ہوں گے۔ اس کے علاوہ شان مسعود، صائم ایوب، ابرار احمد اور فہیم اشرف بھی اس تقریب میں موجود رہیں گے۔

پی سی بی نے بتایا کہ روڈ شو کا مقصد بین الاقوامی سرمایہ کاروں کو پی ایس ایل میں سرمایہ کاری کی جانب راغب کرنا ہے اور لیگ کی گلوبل شناخت کو مزید مضبوط بنانا ہے۔