برطانوی شہزادہ ولیم کا سعودی عرب کا پہلا سرکاری دورہ، ریاض میں محمد بن سلمان سے اہم ملاقات

برطانوی شہزادہ ولیم سعودی عرب کے پہلے سرکاری دورے پر ریاض پہنچے، جہاں کنگ خالد انٹرنیشنل ایئرپورٹ پر ان کا پرتپاک استقبال کیا گیا۔ یہ دورہ برطانیہ اور سعودی عرب کے درمیان سفارتی روابط کو مزید مضبوط بنانے کی کڑی سمجھا جا رہا ہے۔

درعیہ میں ہونے والی ملاقات میں سعودی ولی عہد شہزادہ محمد بن سلمان اور شہزادہ ولیم نے علاقائی و عالمی صورتحال، باہمی مفادات اور دوطرفہ تعلقات کے فروغ پر تفصیلی بات چیت کی۔

شہزادہ ولیم نے اپنے دورے کے دوران الطریف کے تاریخی علاقے میں واقع سلویٰ محل کا بھی دورہ کیا، جہاں انہیں سعودی تاریخ اور ثقافتی ورثے کے بارے میں بریفنگ دی گئی۔

یاد رہے کہ شہزادہ ولیم 2018 میں مشرقِ وسطیٰ کے دورے پر اسرائیل اور فلسطین بھی گئے تھے، جہاں انہوں نے اعلیٰ قیادت سے ملاقاتیں کی تھیں۔