LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

وزیراعظم شہباز شریف کا نیووٹیک کی کارکردگی پر اظہارِ اطمینان،نئے اہداف مقرر کرنے کی ہدایت

Web Desk

12 January 2026

وزیراعظم محمد شہباز شریف نے نیشنل ووکیشنل اینڈ ٹیکنیکل ٹریننگ کمیشن (نیووٹیک) کی حالیہ کارکردگی پر اطمینان کا اظہار کرتے ہوئے تکنیکی و فنی تربیتی پروگرامز کے لیے نئے اہداف مقرر کرنے اور اپرینٹس شپ قانون پر مؤثر عملدرآمد یقینی بنانے کی ہدایت کی ہے۔

وزیراعظم کی زیر صدارت ملک میں پیشہ ورانہ تربیت کے نئے متعارف کردہ ایکو سسٹم پر جائزہ اجلاس اسلام آباد میں منعقد ہوا، جس میں نیووٹیک کے تحت جاری تربیتی پروگرامز کا تفصیلی جائزہ لیا گیا۔

اجلاس سے خطاب کرتے ہوئے وزیراعظم نے کہا کہ پاکستانی افرادی قوت کو عالمی سطح پر مسابقت کے قابل بنانے کے لیے بین الاقوامی سرٹیفکیشنز کی فراہمی خوش آئند اقدام ہے۔ انہوں نے ہدایت کی کہ خلیجی ممالک میں پاکستانی افرادی قوت کی کھپت کے لیے وزارت خارجہ اور وزارت سمندر پار پاکستانی اقدامات میں مزید تیزی لائیں۔

وزیراعظم کا کہنا تھا کہ پاکستانی نوجوان صلاحیتوں سے بھرپور ہیں اور ان کی صلاحیتوں کو بروئے کار لانے کے لیے نیووٹیک کے ذریعے ایک جامع پروگرام کا آغاز کیا گیا ہے۔ انہوں نے کہا کہ اللہ کے فضل و کرم سے نیووٹیک کے تحت فنی و تکنیکی تربیتی پروگرامز کے مثبت نتائج سامنے آ رہے ہیں۔

وزیراعظم نے ہدایت کی کہ نیووٹیک کے تمام پارٹنر تربیتی اداروں میں طلبہ اور اساتذہ کی حاضری کے لیے بائیو میٹرک نظام نافذ کیا جائے، جبکہ صوبائی اداروں کے ساتھ تعاون کو مزید مضبوط بنا کر پروگرامز کا دائرہ وسیع کیا جائے تاکہ زیادہ سے زیادہ افرادی قوت کو تربیت فراہم کی جا سکے۔

انہوں نے واضح کیا کہ بین الاقوامی سطح پر زیادہ طلب رکھنے والے ہنر میں نوجوانوں کو عالمی سرٹیفکیشن کے ساتھ تربیت دینا حکومت کی اولین ترجیح ہے۔ وزیراعظم نے ناقص کارکردگی کے حامل اداروں کی رکنیت معطل کر کے کارروائی کی بھی ہدایت کی، جبکہ نیووٹیک کے نظام کی مکمل ڈیجیٹلائزیشن اور آن لائن مانیٹرنگ کو مزید مؤثر بنانے پر زور دیا۔

اجلاس میں نجی شعبے کے تھرڈ پارٹی ویلیڈیٹرز، صنعتی شراکت دار، چیمبرز آف کامرس، کاروباری تنظیموں کے نمائندوں اور مصنوعی ذہانت و انفارمیشن ٹیکنالوجی کے ماہرین نے شرکت کی۔

اجلاس کو بریفنگ میں بتایا گیا کہ نیووٹیک کے تحت وزیرِ اعظم کی جانب سے تفویض کردہ تمام تربیتی اہداف حاصل کر لیے گئے ہیں۔ نیووٹیک پاکستان کا پہلا اسکل بیسڈ بانڈ بھی جاری کر چکا ہے، جس کے تحت نتائج کی بنیاد پر نجی شعبے سے فنڈنگ حاصل کی جا رہی ہے۔

اعداد و شمار کے مطابق گزشتہ برس نیووٹیک کے ذریعے ایک لاکھ 46 ہزار افراد نے تربیت حاصل کی، جبکہ 15 ہزار سے زائد افراد کو بین الاقوامی سرٹیفکیشن فراہم کی گئی۔ تکامل پروگرام کے تحت 3 لاکھ سے زائد افراد نے تربیت حاصل کی اور 2 لاکھ 80 ہزار سے زائد پاکستانی سعودی عرب میں روزگار حاصل کرنے میں کامیاب ہوئے۔

وزیراعظم نے نیووٹیک کی مجموعی کارکردگی کو سراہتے ہوئے مستقبل میں مزید بہتری کے لیے نئے اہداف کے تعین کی ہدایت کی۔