LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

وزیراعظم اور چیف آف ڈیفنس فورسز ملکی ترقی کیلئے دن رات کوشاں ہیں: علی پرویز ملک

Web Desk

7 December 2025

لاہور میں پریس کانفرنس کرتے ہوئے علی پرویز کا کہنا تھا کہ ہماری افواج دشمن کو شکست دینے کی صلاحیت رکھتی ہیں، معرکہ حق میں تینوں فورسز نے مثالی رابطے کا مظاہرہ کیا،آج عالمی سطح پر کوئی بیٹھک پاکستان کی نمائندگی کی بغیر نہیں ہوتی۔

انہوں نے کہا کہ فوج میں تنظیم سازی کا مقصد تینوں فورسز میں رابطے کو بہتر بنانا ہے، چیف آف ڈیفنس فورسز کے نوٹیفکیشن کے بعد تمام قیاس آرائیاں دم توڑ گئیں، وزیراعظم اور نائب وزیر اعظم کی سربراہی میں عالمی سطح پر نمایاں کامیابیاں ملیں۔

وفاقی وزیر کا کہنا تھا کہ امریکی صدر سمیت دیگر عالمی رہنما پاکستان کی صلاحیتوں کے بارے میں بات کر رہے ہیں، مختلف وفود پاکستان کے دورے کر رہے ہیں، چائنہ نے ہر فورم پر پاکستان کا ساتھ دیا، دوست ملک قطر نے بھی ہر مشکل وقت میں ساتھ دیا۔

علی پرویز ملک نے کہا کہ چند سال پہلے دیوالیہ پن کی آوازیں گونج رہی تھیں، وزیرعظم شہبازشریف کی زیر قیادت میں ڈیفالٹ کو کنارے لگا دیا ہے، دیوالیہ پن کی باتیں گزر چکی ہیں، ہم نے مل کر پاکستان کو معاشی طور پر مضبوط بنانا ہے، برآمدات پر مبنی معاشی ترقی کو فروغ دیا جا رہا ہے، حکومت کی کوششوں سے معاشی صورتحال بہتر ہو رہی ہے۔

ان کا کہنا تھا کہ وزیراعظم کی معاشی ٹیم کا ادنیٰ سا حصہ میں بھی ہوں، اپنا بھرپور کردار نبھا رہا ہوں، ہم نے اپنے ملکی خساروں پر قابو پایا ہے، قائد نوازشریف کا شکر گزار ہوں، وزیراعظم شہباز شریف کے ذریعے میری پٹرولیم کے شعبے میں ذمہ داری لگائی۔

انہوں نے بتایا کہ گیس کے شعبے میں گردشی قرضہ بڑھ رہا تھا، ہمارے پاس جو وافر ایندھن موجود تھا اس کو بین الاقوامی مارکیٹ میں فروخت کر کے بوجھ ہلکا کریں گے، مقامی تیل کمپنیاں اپنا تیل بناتی ہیں، او جی ڈی سی ایل، پی پی ایل اپنی پوری کیپسٹی پر چلیں گی روزگار پیدا کریں گی، پیسہ کمائیں گی۔

وفاقی وزیر کا کہنا تھا کہ پورے پاکستان کی ایک دیرپا ڈیمانڈ تھی کہ گھریلو صارفین کیلئے گیس کنکشن کھولیں، کندھوں پر سلنڈر رکھ کر گیس بھرانی پڑتی تھی، اب گیس پریشر کے مسائل کم سے کم آئیں گے، ڈھائی سے تین لاکھ مقامی صارفین کو نئے گیس کنکشن دیئے جا رہے ہیں، جتنا ممکن ہوا ہم عوام کو سردی میں گیس کی فراہمی یقینی بنائیں گے۔

انہوں نے کہا کہ توانائی شعبے میں گردشی قرضے پر قابو پایا جارہا ہے، بین الاقوامی کمپنیاں پاکستان کی طرف دوبارہ رخ کر رہی ہیں، ترکش پٹرولیم اسلام آباد میں اپنا دفتر کھولنے جا رہی ہے جس سے پاکستان کے لوگوں کو روزگار ملے گا۔