صدرِ کا قلات میں سیکیورٹی فورسز کے کامیاب آپریشن پر خراجِ تحسین

صدرِ مملکت آصف علی زرداری نے بلوچستان کے ضلع قلات میں سیکیورٹی فورسز کے کامیاب انٹیلی جنس بیسڈ آپریشن پر فورسز کے عزم و حوصلے کو خراجِ تحسین پیش کیا ہے۔
صدرِ مملکت نے کہا کہ چار بھارتی پشت پناہی یافتہ دہشت گردوں کے خاتمے سے قومی سلامتی کو مضبوط بنانے میں اہم پیش رفت ہوئی ہے۔ انہوں نے اس کارروائی کو قومی سلامتی کے لیے بڑی کامیابی قرار دیا۔
آصف علی زرداری نے سیکیورٹی فورسز اور قانون نافذ کرنے والے اداروں کے عزم، قربانی اور استقلال کو سراہتے ہوئے کہا کہ پوری قوم دہشت گردی کے ناسور کے خاتمے کے لیے اپنی فورسز کے ساتھ کھڑی ہے۔صدرِ مملکت نے واضح کیا کہ وطن دشمن عناصر کے خلاف آپریشن “عزمِ استحکام” کا تسلسل قومی سلامتی اور پائیدار امن کے لیے ناگزیر ہے۔انہوں نے اس عزم کا اظہار کیا کہ ریاست اپنی سرزمین پر امن و استحکام کے قیام کے لیے دہشت گردی کے مکمل خاتمے تک جدوجہد جاری رکھے گی